У Беларусі стартавалі экамены  за курс базавай школы.  Яны стануць выніковай праверкай ведаў, атрыманых   за 9 гадоў навучання. 2 чэрвеня ў Слабадской школе для вучняў 9 класа прайшоў  першы пісьмовы экзамен – пераказ па беларускай мове. Тэксты для атэстацыі школьнікаў за курс базавай школы спецыялісты Міністэрства адукацыі традыцыйна аб’явілі па тэлебачанні. “Мурчына перамога”- так называўся тэкст пераказу, які выбралі члены экзаменацыйнай камісіі.  Выпускнікі, канешне, хваляваліся. Аднак, трэба адзначыць, тэкст для пераказу быў не складаны, а змястоўны і цікавы, тым больш, што на кансультацыі напярэдадні экзамену яны з ім працавалі. Вучні справіліся з эмоцыямі і паказалі нядрэнныя вынікі.

 У дзевяцікласнікаў наперадзе яшчэ тры  экзамены:  пераказ па рускай мове, кантрольная работа па матэматыцы, гісторыя  Беларусі ў вуснай форме. Пажадаем ім поспехаў і ўдачы!