Шмат гадоў у Слабадской школе працуе “Фальклорна-драматычнае” аб’яднанне па інтарэсах, заняткі ў якім садзейнічаюць развіццю камунікатыўных уменняў і навыкаў школьнікаў, развіваюць навыкі міжасабовых зносін і супрацоўніцтва.

Мэта аб’яднання-забеспячэнне ўмоў для развіцця творчых здольнасцей вучняў сродкамі фальклору і тэатральнага мастацва. У аснове заняткаў “Фальклорна-драматычнага” аб’яднання па інтарэсах ляжыць самадзейнасць вучняў, таму тут найбольш ярка выяўляюцца асоба школьніка, яго інтарэсы, схільнасці, унутраны свет, маральныя і эстэтычныя ідэалы.

Вучні кожны год з цікавасцю рыхтуюць новае тэатралізаванае прадстаўленне. Традыцыйна – гэта “Вячоркі” з беларускімі народнымі жартамі і анекдотамі, меладычнымі і вясёлымі песнямі, з задорнай “Полечкай” і з жартоўнымі прыпеўкамі.

 Праца ў гэтым накірунку працягваецца і ў гэтым навучальным годзе. Настаўнікаў,  вучняў і іх законных прадстаўнікоў у маі 2024 года чакаюць новыя “Вячоркі”!

Дзейнасць “Фальклорна-драматычнаг ” аб’яднання па інтарэсах пашырае веды вучняў аб нацыянальных асаблівасцях родной культуры, развівае іх матывацыю да пазнання і творчасці, фарміруе практычныя ўменні і навыкі ў тэтральнай дзейнасці, пачуццёва-эмацыянальную сферу навучэнцаў і мастацкі густ, садзейнічае  патрыятычнаму, ідэалагічнаму, эстэтычнаму і маральна-этычнаму выхаванню школьнікаў.