З мэтай паглыблення ведаў вучняў па беларускай мове, літаратуры, краязнаўстве, этнаграфіі, развіцця   крытычнага мыслення, фарміравання камунікатыўнай культуры школьнікаў 19 лютага у Слабадской сярэдняй школе адбылася інтэрактыўная гульня “Ці ведаю я Беларусь?”, у якой прынялі ўдзел вучні 5-6 класаў. Знамянальна, што адбылася яна напярэдадні Міжнароднага дня роднай мовы.

Пачалося мерапремства з прачулых паэтычных слоў пра родную мову, з відэафільма пра нашу Бацькаўшчыну, пра яе цудоўныя краявіды. Гэта стварыла атмасферу беларускасці і настроіла каманды на гульню.

Далей дзве каманды — “Рамонкі” і “Васількі” – праявілі свае веды ў розных намінацыях:  “Мова маёй бабулі”,“Чым і кім славіцца мой край”, “Экалагічная”, “Гарады Беларусі”, “Што  ты ведаеш пра Беларусь”, “З крыніц спрадвечных” і іншых. Мерапрыемства прайшло цікава, сярод удзельнікаў не было раўнадушных.

Закончылася гульня кліпам Вансовіч Маргарыты “Мой край”, які яшчэ раз прадэманстраваў прысутным, якая прыгажая і непаўторная наша Беларусь, якая меладычная і напеўная наша родная мова.

Мерапрыемства садзейнічала фарміраванню ў вучняў паважлівых адносін да сваёй Айчыны, выхаванню  пачуцця гонару і глыбокай павагі да нацыянальных традыцый, звычаяў, культуры.

З мэтай фарміравання  ў вучняў уяўленняў пра асаблівасць духоўнага развіцця  беларускага народа, нацыянальнай самасвядомасці  ў Слабадской СШ для вучняў 9-11 класаў 20 снежня адбыўся Адзіны ўрок, прысвечаны жыццю і дзейнасці асветніцы, заступніцы зямлі беларускай Еўфрасінні Полацкай “Па слядах святой Еўфрасінні”.

У ходзе мерапрыемства вучні  пад кіраўніцтвам настаўнікаў Зябчанкавай Ж.В. і Кот С.М. здзейснілі падарожжа ў далёкае XII стагоддзе, узнавілі і пашырылі веды пра беларускую асветніцу і святую. Увазе вучняў быў прыпанаваны відэафільм пра Еўфрасінню Полацкую, які дазволіў актуалізаваць і сістэматызаваць веды школьнікаў  пра знакамітую палачанку. Вучні   ўспомнілі асноўныя факты з жыцця шматграннай асобы знакамітай беларускай жанчыны: заснаванне храмаў і манастыроў, якія сталі цэнтрам  асветы, стварэнне па яе просьбе ювелірам Лазарам Богшам  духоўнай святыні нашага народа- напрастольнага Крыжа-каўчэга,- адкрыццё жаночай шкоы для маладых дзяўчат, пераклад  і перапісванне кніг, мецэнацтва,  удзел у палітычным жыцці дзяржавы і г.д.

На Адзіным уроку, згодну плану ўзаемадзеяння ДУА “Слабадская сярэдняя школа” з Беларускай Праваслаўнай Царквой, прысутнічаў айцец Георгій, які служыць у Пружанскім храме Праабражэння Гасподня. Ён  паведаў аб тым, што Еўфрасіння Полацкая –першая  жанчына на Русі, далучаная да ліку святых, яе аднолькава высока шануе як праваслаўная, так і каталіцкая царква. У сваім выступленн святар больш падрабязна спыніўся на яе духоўным подзвігу, на рэлiгiйнай дзейнасці Ефрасiннi Полацкай, значэнні яе намаганняў, накiраваных на служэнне свайму народу.

На ўроку гучалі цудоўныя, меладычныя песні ў выкананні пеўчых храма Праабражэння Гасподня,  прысвечаныя застпніцы зямлі беларускай, святой Еўфрасінні, якія  не паінулі раўнадушнымі нікога з прысутных.

Напрыканцы ўрока вучні чыталі вершы беларускіх паэтаў, прысвечаныя вялікай палачанцы,  назвалі агульначалавечыя каштоўнасці, якімі кіравалася прападобная Ефрасiння, гаварылі про тое, што яны застаюцца духоўнымі арыенцірамі і  ў нашы дні,  і адлюстравалі іх у выглядзе сімвалічнай   “Пячаткі каштоўнасцей”.

Мерпапрыемства садзейнічала асэнсаванню вучнямі  велічы постаці асветніцы, яе ролі ў беларускай гісторыі і культуры, выхаванню  павагі да мінулага сваёй  Бацькаўшчыны, духоўнасці і  міласэрнасці.