З мэтай развіцця пазнавальнай актыўнасці і маўленчай культуры вучняў, іх творчых і інтэлектуальных здольнасей, фарміравання ўмення працаваць у камандзе, выхоўвання пачуцця любові і павагі да беларускай мовы для вучняў 5-8 класаў Слабадской СШ была праведзена квэст-гульня “Знаўцы роднай мовы ”, прысвечаная  Дню роднай мовы.

У ходзе мерапрыемства вучні павінны былі прайсці 7 прыпынкаў: “Словаведы”, “Перакладчыкі”, “Крылатая паштоўка”, “Літаратурная крыжаванка”, “Знаўцы беларускага фальклору”, “Прадоўжы твор”, “Веру – не веру”. Школьнікі праявілі свае веды беларускіх прыказак, прымавак і фразеалагізмаў, тэорыі літаратуры, марфалогіі і  лексікі беларускай мовы, мелі магчымасць прадоўжыць вершы, якія вучылі на памяць у розных класах. А падрыхтавалі і правялі гульню  разам з настаўнікам беларускай мовы Грышкевіч А.А. вучні, якія навучаюцца ў класе  педагагічнага накірунку. Нашы будучыя выпускнікі праявілі сябе крэатыўнымі, актыўнымі, адказнымі школьнікамі. Гульня аказалася цікавай, вясёлай, а галоўнае, пазнавальнай і карыснай.

Мерапрыемства садзейнічала паглыбленню ведаў вучняў па беларускай мове і літаратуры,  выхаванню павагі да нацыянальнай спадчыны, любові да роднай мовы,  цікавасці да моўнага багацця беларускага народа.

У мінулым навучальным годзе вучні 4-10 класаў (а гэта 13 чалавек) прымалі ўдзел у гульні -конкурсе “Буслік-2024”, які праводзіўся ў лютымі 2024 года.  Школьнікі змаглі праверыць свае веды па беларускай мове і літаратуры, фальклоры і культуры нашага народа,  прявіць   сваю эрудыцыю. Вынікі  гульні  былі  нядаўна падведзены.

У Год якасці вучні нашай школы праявілі добрыя веды ў вывучэнні роднай мовы і літаратуры: 4 вучаніцы атрымалі ўзнагароды  за лепшыя вынікі: Каўчарук Ганна- 4 клас; Малецкая Ульяна – 5 клас; Кушнер Сафія – 7 клас; Кляшчова Дар’я – 10 клас.

Усе ўдзельнікі гульні-конкурсу па беларускай мове і літаратуры н школьнай лінейцы  атрымалі прыз ”для сіх”, які ўключае пасведчанне ўдзельніка, блакнот, лінейку-трафарэт і ручку з эмблемай назвы конкурсу.

Віншуем пераможцаў і ўдзельнікаў гульні- конкурсу  “Буслік-2024” і жадаем ім новых поспехаў у вывучэнні роднай мовы і літаратуры! Дарэчы, гульня- конкурс  “Буслік-2025” адбылася 13 лютага. Нашы вучні таксама актыўна ў ёй удзельнічалі. Чакаем  вынікаў, якія будуць падведзены ў наступным годзе, і новых узнагарод!

З мэтай  папулярызацыі беларускай нацыянальнай мовы і культуры ў Слабадской сярэдняй школе ў рмках мерапрыемстваў шостага школьнага дня  для вучняў 6-9 класаў была арганізавана інтэрактыўная гульня “Беларусь — наш край родны”. Усе заданні былі цікавыя і разнастайныя. Падчас падарожжа па краіне роднай мовы, літаратуры і культуры ўдзельнікам давялося зрабіць прыпынкі, на якіх выконвалі  заданні з розных намінацый “Дзяржава і яе сімвалы”, “Культурная спадчына”, “У свеце народных традыцый”, “Песняры”, “Зямля пад белымі крыламі” і інш., вызначаць лексічнае значэнне слоў, па карцінках называць  фразеалагізмы,  творы і іх аўтараў.

У гульнёвай форме ўдзельнікі мерапрыемства паказалі свае веды пра нацыянальную спадчыну Беларусі і  эрудыцыю. Гульня  атрымалася рознабаковай, інфарматыўнай і насычанай. Яе ўдзельнікі яшчэ раз пераканаліся, што жывуць у цудоўнай і непаўторнай, багатай на гістарычныя падзеі краіне.

Мерапрыемства садзейнічала  развіццю інтэлектуальных магчымасцей вучняў, выхаванню  павагі  да роднай мовы,  літаратуры, культуры.

У рамках рэспубліканскага праекта «Урок у музеі» вучні 5-6 класаў Слабадской школы  наведалі экспазіцыю “Тайны беларускай хаткі. Народны побыт”, якая адкрыта ў адным з залаў Пружанскага палацыка.  Тут для школьнікаў быў праведзены ўрок беларускай мовы.

Вучні з задавальненнем слухалі паведамленне настаўніка, аповед экскурсавода, убачылі, як выглядалі беларускія посцілкі, ручнікі, розныя віды збанкоў, традыцыйны беларускі народны  касцюм, вырабы  дэкаратыўна-прыкладнога  мастацтва, прадметы інтэр’еру беларускай хаткі.

На ўроку школьнкі пазнаёміліся з лексічным значэннем слоў “радно”, “кубал”, “цэбар”, “начоўкі”, “пранік”, спарыш”, “посцілка” і інш.

 Атмасфера музея дапамагала дзецям уявіць, як жылі нашы прдкі, чым займаліся, як гатавалі ежу, ткалі і  шылі адзенне, працавлі і святкавалі. Вучні далучыліся да трапнага народнага слова, якое не адлучна ад народнай спадчыны беларускага народа.

Урок у музеі садзейнічаў папулярызацыі роднай мовы і культуры, развіццю пазнавальнай цікавасці вучняў, узбагачэнню іх слоўнікавага запасу, выхаванню павагі да нашых нацыянальных каранёў.

З мэтай   пашырэння ведаў вучняў  пра гістарычную спадчыну беларускага народа, яго сучаснае, культуру і спорт,  выхавання патрыятызму, пачуцця гонару і паважлівых адносін да Радзімы для вучняў 7 класа Слабадской СШ у  рамках мерапрыемстваў шостага школьнага дня  была арганізавана інтэрактыўная гульня “Беларусь у маім сэрцы».

Вучні  зрабілі падарожжа па сваёй краіне і, адказваючы   на пытанні   розных намінацый: “Гарады”, “Святы”, “Імёны”, “Прырода”, “Мастацтва”, “Гісторыя” і інш.,- паказалі свае  веды аб дзяржаўных сімвалах Рэспублікі Беларусь, аб знакамітых людзях, літаратурных творах, аб  жывёльным і раслінным свеце Беларусі.

Мерапрыемства садзейнічала паглыбленню ведаў вучняў пра Беларусь, яе гісторыю, прыроду, культуру, развіццю пазнавальнай актыўнасці школьнікаў, іх інтэлектуальных здольнасцей, выхоўванню любові да Радзімы, пачуцця гонару за свой край і народ.

З мэтай пашырэння  уяўлення аб значэнні роднай мовы ў жыцці чалавека і далучэння  школьнікаў да вытокаў і першаасновы нашай культуры, да скарбаў народнай мудрасці, абуджэння жадання глыбей зазірнуць у яе таямніцы, высветліць ролю беларускай мовы ў развіцці культуры, літаратуры, мастацтва на базе Слабудскога СДК для вучняў 5-7 класаў 7 верасня, у рамках мерапрыемстваў шостага школьнага дня, была праведзена  віктакрына  “Да  скарбаў роднага слова”.   Спачатку   загадчыца Слабудскога СДК Рудкоўская А. У. расказала навучэнцам пра гісторыю свята – Дня беларускай пісьменнасці, што адзналася ў нашай краіне 1 верасня, падкрэсліла значэнне роднай мовы і літаратуры для кожнага грамадзяніна нашай рэспублікі. Затым Алена Уладзіміраўна прапанавала школьнікам заданні з розных намінацый: “Вершы“, “Перакладчыкі”, “Закончы прыказку”, “У свеце фразеалагізмаў”, “Лексіка ” і г.д. Дзеці з задавальненнем прынялі ўдзел у віктарыне і праявілі свае веды па беларускай мове і літаратуры.У канцы Алена Уладзіміраўна пажадала вучням паспяховай вучобы, творчасці, пазітыўнага настрою на ўвесь навучальны год, пры гэтым, яна выкарыстала розныя беларускія фразеалагізмы, што вельмі спадабалася школьнікам.

Мерапрыемства садзейнічала развіццю інтэлектуальных магчымасцей вучняў, іх творчых здольнасцей, маўленчых і камунікатыўных якасцей, выхаванню  павагі да роднай мовы.