З мэтай   пашырэння ведаў вучняў  пра гістарычную спадчыну беларускага народа, яго сучаснае, культуру і спорт,  выхавання патрыятызму, пачуцця гонару і паважлівых адносін да Радзімы для вучняў 7 класа Слабадской СШ у  рамках мерапрыемстваў шостага школьнага дня  была арганізавана інтэрактыўная гульня “Беларусь у маім сэрцы».

Вучні  зрабілі падарожжа па сваёй краіне і, адказваючы   на пытанні   розных намінацый: “Гарады”, “Святы”, “Імёны”, “Прырода”, “Мастацтва”, “Гісторыя” і інш.,- паказалі свае  веды аб дзяржаўных сімвалах Рэспублікі Беларусь, аб знакамітых людзях, літаратурных творах, аб  жывёльным і раслінным свеце Беларусі.

Мерапрыемства садзейнічала паглыбленню ведаў вучняў пра Беларусь, яе гісторыю, прыроду, культуру, развіццю пазнавальнай актыўнасці школьнікаў, іх інтэлектуальных здольнасцей, выхоўванню любові да Радзімы, пачуцця гонару за свой край і народ.

З мэтай пашырэння  уяўлення аб значэнні роднай мовы ў жыцці чалавека і далучэння  школьнікаў да вытокаў і першаасновы нашай культуры, да скарбаў народнай мудрасці, абуджэння жадання глыбей зазірнуць у яе таямніцы, высветліць ролю беларускай мовы ў развіцці культуры, літаратуры, мастацтва на базе Слабудскога СДК для вучняў 5-7 класаў 7 верасня, у рамках мерапрыемстваў шостага школьнага дня, была праведзена  віктакрына  “Да  скарбаў роднага слова”.   Спачатку   загадчыца Слабудскога СДК Рудкоўская А. У. расказала навучэнцам пра гісторыю свята – Дня беларускай пісьменнасці, што адзналася ў нашай краіне 1 верасня, падкрэсліла значэнне роднай мовы і літаратуры для кожнага грамадзяніна нашай рэспублікі. Затым Алена Уладзіміраўна прапанавала школьнікам заданні з розных намінацый: “Вершы“, “Перакладчыкі”, “Закончы прыказку”, “У свеце фразеалагізмаў”, “Лексіка ” і г.д. Дзеці з задавальненнем прынялі ўдзел у віктарыне і праявілі свае веды па беларускай мове і літаратуры.У канцы Алена Уладзіміраўна пажадала вучням паспяховай вучобы, творчасці, пазітыўнага настрою на ўвесь навучальны год, пры гэтым, яна выкарыстала розныя беларускія фразеалагізмы, што вельмі спадабалася школьнікам.

Мерапрыемства садзейнічала развіццю інтэлектуальных магчымасцей вучняў, іх творчых здольнасцей, маўленчых і камунікатыўных якасцей, выхаванню  павагі да роднай мовы.

6 верасня вучні Слабадской СШ   здзейснілі адукацыйную экскурсію ў Мемарыяльны музей-сядзібу Тадэвуша Касцюшкі, які  адчыніў свае дзверы для наведвальнікаў у 2004 годзе. Тэматычна музей падзяляецца на дзве часткі — мемарыяльную і гістарычную. У мемарыяльнай частцы навучэнцы пазнаёміліся з побытам сярэдняй шляхты, выхадцам з якой быў Тадэвуш. У гістарычнай — з жыццём і дзейнасцю Тадэвуша Касцюшкі. З асаблівай цікавасцю дзеці разглядўалі  незвычайныя экспанаты ў калекцыі музея.

У ходзе экскурсіі вучні пазнаёміліся з вялікім сынам беларускай зямлі, нацыянальным героем ЗША і Польшы, ганаровым грамадзянінам Францыі і яго сям’ей, даведаліся, якая гульня была яго любімай з дзяцінства і як гэта паўплывала на яго лёс, а таксама, якая асабістая трагедыя прывяла яго на поле бою за незалежнасць ЗША.

Экскурсія  садзейнічала больш глыбокаму засваенню дзецьмі матэрыялаў, звязаных з гістарычнымі падзеямі, пашырыла  і паглыбіла іх веды, дала магчымасць больш увагі удзяліць вывучэнню краязнаўчых матэрыялаў, садзейнічала выхаванню  гістарычнай памяці падрастаючага пакалення пра мінулае свайго народа і гістарычныя карані сваёй зямлі.

6 верасня вучні 7,8,11 класаў Слабадской   СШ сталі ўдзельнікамі  цікавай адукацыйнай экскурсіі ў Косаўскі замак- дварцова-парковы комплекс. Ён стаіць на ўзвышшы ў лясным масіве, уражвае сваёй прыгажосцю, магутнасцю крапасных сцен, памерам і велічынёй. Экскурсавод пазнаёміла   навучэнцаў з яго цікавай гістогрыяй, з дзейнасцю Казіміра Пуслоўскага, па загаду якога  і быў узведзены палац, раказала пра авсаблівасці  інтэр’еру замка. У ходзе аповеду вучні даведаліся, чаму яго называлі “жамчужынай”, пазнаёмілся  з укладам сям’і Пуслоўскіх, з тым, як  яна жыла, чым цікавалілася, як адпачывала. З цікасцю прайшліся па пакоях палаца, удыхнулі паветра старой даўніны.

Экскурсія садзейнічала пашырэнню светапогляду вучняў, іх ведаў пра гісторыю роднага краю, развіццю эстэтычных пачуццяў,  выхаванню павагі да нашых продкаў, гонару за нашу Бацькаўшчыну.

З мэтай выхавання павагі да роднай мовы і літаратуры, да беларускага народа і  яго культурнай спадчыны ў 7 класе Слабадской СШ адбылася інфармацыйная гадзіна “З вытокаў роднай мовы”, прысвечаная Дню беларускай пісьменнасці і друку. У ходзе мерапрыемства вучні пазнаёміліся з гістарычным працэсам развіцця пісьменства ў Беларусі, гістарычнымі цэнтрамі культуры, навукі, літаратуры і кнігадрукавання нашай краіны. Ад класнага кіраўніка сямікласнікі даведаліся, што   ўбачыць старадаўнія рукапісы, старадрукі і рэдкія кнігі, якія сталі сусветнай спадчынай, можна ў Музеі кнігі ў Нацыянальнай бібліятэцы Беларусі і Полацкім музеі беларускага кнігадрукавання.

У канцы інфармацыйнай  гадзіны вучні з цікавасцю прынялі ўдзел у віктарыне “Ад літары да кнігі”, якая ім дазволіла праверыць свае веды па гісторыі ўзнікнення і развіцця пісьменнасці, кнігадрукавання і пісьменніцкай дзейнасці ў Беларусі.

У рамках мерапрыемства сямікласнікі наведалі кніжную выставу “Спадчына Беларусі” ў школьнай бібліятэцы, дзе змаглі пазнаёміцца з літаратурай на дадзеную тэматыку.

Мерапрыемства садзейнічала абуджэнню  ў вучняў  цікавасці да мінулага краіны і нацыянальнай спадчыны,  фарміраванню паважлівых адносін да сваёй Айчыны, выхоўванню пачуцця любові да зямлі бацькоў, беларускага краю.

У Слабадской школе стала добрай традыцыяй у канцы навучальнага года праводзіць творчую справаздачу аб’яднання па інтарэсах “Фальклорна-драматычнае”. Вось і ў гэты раз, 23 мая, у актавай зале   ўстановы адукацыі адбылося музыкальна-тэатралізаванае прастаўленне фальклорнага свята “Запрашаем на вячоркі”. Са сцэны гучалі беарускія народныя анекдоты, прымаўкі, неверагодныя вясковыя гісторыі, меладычныя і задорныя песні і прыпеўкі. А традыцыйная “Полька” не пакінула абыякавых у зале. Юныя артысты на некаторы час адправілі гледачоў у цікавае падарожжа ў мінулае. Яны паказалі, што мы маем багатую спадчыну, якую неабходна вывучаць і перадаваць будучым пакаленням. Дзеці напомнілі, адкуль нашы карані, вытокі, а таксама прымусілі задумацца, што з’яўляецца сапраўднай каштоўнасцю нашага жыцця: жыць ў згодзе і радасці, вучыцца ў нашых продкаў мудрасці, помніць іх запаветы.

Такія мерапрыемствы выхоўваюць у дзяцей пачуццё павагі да роднай культуры, узбагачаюць слоўнікавы запас, прыцягваюць увагу да нацыянальных традыцый праз беларускі фальклор, дапамагаюць вучням дакрануцца да спадчыны, адчуць сябе часцінкай сваёй зямлі, свайго народа.

У мінулым навучальным годзе     вучні 3-9 класаў (а гэта 11 чалавек) прымалі ўдзел у гульні-конкурсе  “Буслік-2023” – адным з цікавых мерапрыемстваў, якія праводзіць грамадскае аб’яднанне “Беларуская асацыяцыя “Конкурс” з мэтай    папулірызацыі ведаў у розных галінах навукі. Нашы юныя філолагі выконвалі   цікавыя заданні па беларускай мове і літаратуры. Яны  праявілі свае веды па арфаграфіі, пунктуацыі, лексіцы, марфалогіі і г.д. Змаглі знайсці адказы на пытанні з галіны літаратуразнаўства і этнаграфіі. У выніку нашы вучні Кляшчова Дар’я, Токарава Юлія, Цяжолава Ганна, Мар’ясава Кацярына і   Кушнер Сафія сталі пераможцамі у раёне, заваяваўшы 1,2,3 месцы. Дзяўчынкам на школьнай лінейцы былі ўручаны медалі і цікавыя кніжкі з пазнаваўчымі артыкуламі і творчымі заданнямі. Увогуле, ніхто не застаўся без узнагарод. Усе ўдзельнікі гульні-конкурсу  “Буслік-2023” атрымалі прызы.

У гэтым навучальным годзе нашы  вучні таксама прымалі ўдзел у гульні “Буслік -2024”. Спадзяёмся,  што новая гульня прынясе новыя дасягненні і  перамогі!

Удзельнічаючы ў падобных мерапрыемствах,    вучні  праяўляюць  не толькі свае веды па беларускай мове і літаратуры, але  і агульную эрудыцыю, развіваюць  пазнавальную актыўнасць.