У Слабадской сярэдняй школе  з мэтай павышэння цікавасці вучняў   да чытання твораў на роднай мове, развіцця і захавання высокіх маральных каштоўнасцяў і ідэалаў беларускага грамадства, выхавання падрастаючага пакалення на лепшых узорах нацыянальнай літаратуры прайшоў першы этап рэспубліканскага конкурсу юных чытальнікаў “Жывая класіка”,  прысвечаны Году якасці.

Пераможцай стала Брытун Дар’я, вучаніца 7 класа. Дзяўчынка падрыхтавала мастацкае чытанне  верша “Балада пра чатырох заложнікаў”А.Куляшова. Вучаніца паказала высокі ўзровень выканальніцкага  майстэрства, артыстызм, стварыла сцэнічны вобраз з улікам тэмы і галоўнай думкі твора. Верш, які чытала Дар’я, прысвечаны падзеям Вялікай Айчыннай вайне, раскрывае плітыку генацыду гітлераўскага рэжыму на тэрыторыі нашай краіны. У год 80-годдзя вызвалення Беларусі ад нямецка-фашысцкай акупацыі гэта вельмі сімвалічна. Расце пакаленне моладзі, якому цікава наша мінулае, якое імкнецца захаваць гістарычную памяць.

Мерапрыемства садзейнічала развіццю чытацкіх магчымасцей вучняў, пашырэнню іх кругагляду, развіццю творчых здольнасцей, выхаванню грамадзянскіх пачуццяў школьнікаў.